Bliadhna nan ÒranYear of Song

A ghruagach mhìn bhòidheach gun d' fhuair thu mi lapach
Mo mhiann air dhol seachran is m' inntinn gun ghleus,
Bha dùil a'm bhith reidht' ann an cùrs mo mhac-meanmhainn
Ach thàinig do mhais' orm gun fhiosta mar bheum.

Tha mo rùn ort mar shlabhraidh an aghaidh a' ghaillinn 's
Ri pianadh no aoibhneas 's tu acair mo chiall,
'S e do ghnè a bhith mald' mo chlach-iùil on a' chiad uair
A loisg air mo shùilean do chumadh san ial.

Bidh mo chàirdean a' magadh gur e th' ann ach saobhadh
Iad nach fhairich do ghathan am buillsgean an deò,
Ach 's mise tha cinnteach, air gealladh mo chraidhteachd
Gum bi thu nad leannan dhomh fhad 's bhios mi beò.

A ghruagach mhìn bhòidheach gun dh'fhàg thu mi lapach
Tha m' anam na fhàsach on dh'fhàg thu mo thaobh,
Aon toinntean na thaic dhomh gun till thu gam ionnsaigh
'S gu siubhail sinn còmhla an cuibhreach a' ghaoil.