An Nowodhow - the News in Cornish

Available for over a year

RECORDING 1: Gleaning Cornwall a fydh war vodhogyon dhe guntel askor dihwansys dhyworth parkow trevys. I a wra y dhelivra dhe gans ha tri ugens a greunvaow voos, talgellow ha keginow kemeneth a-dreus an Soth-West. Yn despit dhe dhrehedhes an men milder seyth figur, an bagas re warnyas bos edhom a arghasans moy rag kesstrivya gans demond. Yma trest war reunvaow boos owth ynkressya hag a-ban dhew vil ha pymthek an niver a tylleryow ow provia gweres boos yn Kernow re sevis dhyworth ugens dhe gans ha peswar ugens, herwydh Konsel Kernow. Studhyans gwrys gans Konsel Kernow a gavas bos deg kansrann warn ugens a fleghes yn Kernow ow pewa yn boghosoghneth voos. TRANSLATION: Gleaning Cornwall relies on volunteers to collect unwanted produce from harvested fields, They deliver it to 160 food banks, community larders and kitchens across the Southwest. Despite reaching the seven-figure milestone, the group has warned more funding is needed in order to keep up with demand. Reliance on food banks is increasing and since 2015 the number of known settings providing food aid in Cornwall has risen from 20 to 180, according to Cornwall Council. A study by Cornwall Council found that 30% of children in Cornwall are living in food poverty. RECORDING 2: Y leveris kannas Konsel Kernow an praktis y’n kostsa a-dro dhe dheg milvil a beunsow bys lemmyn y’n vledhen arghansek ma. Hemm a styr y fydh res martesen dhodho kavos erbysyow yn y rester-skoodhya toll konsel rag mayniow gober isel. Kaskyrghoryon anedhyans re wrug y henwel outrayus ha junya galowyow rag ostyans dy’gol dhe vos klassyes avel trevow nessa may hwrussens tyli toll konsel hwath. Byttegyns, herwydh an re y’n diwysyans res yw dhe berghenoryon ostyans dy’gol provia i dhe vos negysyow laghel hag yth yns rann vewek an ekonomieth godriger leel. Y leveris kannas an konsel yth o ynkressyans a dus ow skwychya aga annedh nessa dhe dhos ha bos ostyans dy’gol a-ban ev dhe dhalleth toll konsel moy war drevow nessa an vledhen usi passyes. TRANSLATION: Cornwall Council said the practice had cost it about £10m so far this financial year. This means it could have to find savings on its council tax support scheme for low income households. Housing campaigners have branded it "outrageous" and joined calls for holiday lets to be classed as second homes so they still pay council tax. However, according to those in the industry holiday let owners had to prove they were legitimate businesses and were a vital part of the local visitor economy. The council said there had been an increase in people switching their second property to become a holiday let since it introduced a second homes council tax premium last year. RECORDING 3: An Meneghiji Reun Kernow yn Gwig a lonchyas hwiler arghans ha drehedhes kosten a bymthek mil, hwegh kans a beunsow mar hallas bos dyghtys dewlagas Jarvis reun trigys. Jarvis, re beu sawyes yn dew vil ha hwetek gans kataraktow yn y dhewlagas, a godhevis leuvvedhegneth dhyworth medhek enevales arbeniger lagasow war y lagas dyghow an seythen usi passyes. Arbenigores gwith enevales, Bethan Goodridge hy hanow, a leveris ny allsons gwaytyas rag an leuvvedhegneth dhe vos gwell hag yth esa ev owth omwellhe yn ta wosa an leuvvedhegneth vras. Y lagas kledh yw gwaytys dhe vos dyghtys nessa vledhen. Y leveris hi yth o nebes a-varr dhe leverel mar kyll ev gweles mes ev re beu ow mires a-dro hag yth esa ow mires orth an sterennow nosweyth. Henn yw oll ahanav vy. Seythen da genowgh. TRANSLATION: The Cornish Seal Sanctuary in Gweek launched a fundraiser and reached a £15,600 target so resident seal Jarvis could get his eyes treated. Jarvis, who was rescued in 2016 with cataracts in his eyes, underwent surgery from a specialist eye vet on his right eye last week. Animal care specialist Bethan Goodridge said they couldn't have hoped for the surgery to go better and he was "recovering very well" after the "big surgery". His left eye is due treatment next year. She said it was a" little bit early to tell if he can see" but he had been looking around and was looking up at the stars at night. That’s all from me, have a good week. PRESENTER: Thank you – this week’s An Nowodhow was written and read by Kensa Broadhurst and the editor was Steve Harris. You can listen to the programme again via the BBC Cornwall website, go to bbc.co.uk/cornwall and scroll to the BBC Radio Cornwall best bits. Photo of Crantock by BBC Weather Watcher Debbie W.