ڈیوڈ لوین بی بی سی نیوز، افغانستان

	افغانستان میں نیٹو افواج کے لیئے مشکلات بڑھتی جا رہی ہیں

پہلے یہ توقع کی جارہی تھی کی یہ فوجیں علاقے میں امن اور بھائی چارہ قائم کرنےمیں کامیاب ہو نگی اوراس کے نتیجے میں تعمیرنو کے کاموں میں تیزی آئے گی۔لیکن اب ایسا محسوس ہو رہا ہے کہ چند سال قبل جس دور اقتدار کا خاتمہ کیا گیا تھا اب وہ پھر واپس آ رہا ہے۔

ایک شخص جو برطانوی فوج کے خلاف مورچہ بندی میں بحیثیت کمانڈر شریک ہے، کا کہنا ہے کہ’ آپ نے ہماری حکومت کو تباہ کر دیا اور صرف اس لیئے کہ ہمارے پاس ہمارا مہمان اسامہ تھے‘۔

ہم دیر رات گئے مکان کے اس حصے میں بیٹھے تھے جوعام طور پر عورتوں کے لیئے مخصوص ہوتی ہے۔ ہم سے کچھ دور کے فاصلے پر ایک مرد پہرہ دار موجود تھا جو ایک ایک حرکت پر اپنی نگاہ رکھ رہا تھا۔اس جگہ چین کی بنی ایک سلائی مشین پڑی تھی اورطالبان جنگجوؤں نے کپڑوں کی کترنوں سےگھر کو بھر رکھا تھا تاکہ کسی کو ہم لوگوں کے وہاں ہونے کا احساس نہ ہو۔

ہم جس سے بات چیت کررہے تھےاس شخص کی عمر کوئی چالیس سال ہوگی۔وہ کافی عقلمند معلوم ہوتا تھا۔ اس کےہاتھ میں وائرلیس ریڈیو تھا جس کے ذریعہ وہ لگاتارباہر کے حالات کا جائزہ لیتا رہتا تھا۔ اس دوران اسے خبر ملی کہ ایک برطانوی گاڑی پر بارودی سرنگ سے حملہ کر دیا گیا ہے۔ جب میں نےان سے یہ کہا کہ برطانوی تو یہاں تعمیر نو کا کام کرنے آئے ہیں تواس نے بلا اختیار ہمیں دور رہنے کا اشارہ کیا۔

اس کمانڈر نے کہاکہ’ وہ لوگ یہاں گزشتہ پانچ سالوں سے ہیں اور آپ یہاں کی سڑکوں کی صورت دیکھیں‘۔

	کئی سالوں کے بعد طالبان کے تئیں عوام کے اعتماد میں اضافہ دیکھا جا رہا ہے

جب ہم قندھار سے مغرب کی جانب جا رہے تھےاس دوران ہمیں ان شاہ راہوں میں مختلف چیک پوائنٹ پر روکا گیا۔ہر جگہ ہم سے آفغانی کرنسی کا مطالبا کیا گیا۔ ان چیک پوائنٹوں پرافغانی فوجی تعینات ہیں۔

ان شاہ راہوں پر کئی طرح کی بد عنوانیوں کا بول بالا ہے۔ کافی ہد تک نیٹو فوج نے بھی بدعنوانی میں اضافہ کرنے کا ماحول تیار کردیا ہے۔ عوام کا کہنا ہے کہ جس طرح کی بدعنوانیوں کوطالبان نے 90 کی دہائی میں ختم کردیا تھا اب حامد کرزئی اور نیٹو کے دور میں ویسی بدعنوانیاں عام ہوگئی ہیں۔ ان حالات نے طالبان کو اپنے لیئے سازگار ماحول تیار کرنے میں مدد کی ہے۔ اس کے علاوہ نیٹو فوج کی موجودگی کے بعد سے تشدد میں ہوئے اضافے نے بھی طالبان کو مدد پہنچائی ہے۔

میں نے دیکھا کہ نیٹو فوجوں کے حملے میں مساجد اور دوسری عبادت گاہیں تباہ ہوگئی ہیں اوراس تباہی نےطالبان کو عوام کے دلوں کوجیتنےمیں مدد پہنچائی ہے۔

اپنےاس بار کے سفر میں میں نے طالبان کے لوگوں کےساتھ کسی بھی خاتون کو نہیں دیکھا۔ جب راستے میں شام ہوگئی اور ہم لوگ افطار کے لیئے ایک جگہ رکےتو ہمیں کہا گیا کہ ہم جلد سے جلد اپنا افطار ختم کرلیں۔ایسا اس لیئے کہا گیا تاکہ ہماری نظریں وہاں آکر بعد میں افطار میں شامل ہونے والی خواتین پر نہ پڑیں۔

طالبان کے کمانڈر نے ہمیں بتایا کہ بیشک طالبان کےدور میں بھی غلطیاں ہوئی ہیں۔ لیکن اس بار وہ نہیں چاہتے کہ وہ اپنی باتیں لوگوں پر مسلط کریں۔

کمانڈر نے بتایا کہ ہمارے پاس ایسے سیکڑوں خود کش حملہ آور موجود ہیں جو برطانوی افواج پر حملہ کرنے کے لیئے اپنی باری کا انتظا کر رہے ہیں۔ انہیں کئی بار واپس کر دیا جاتا ہے۔

طالبان کمانڈر خود کش حملے کی طریقہ کار کوایک اہم ہتھیار مانتے ہیں اور حالات بتا رہے ہیں کہ نیٹو کے لیئے یہ جنگ جیتنا مشکل تر ہوتا جا رہا ہے،وہ بڑے پیمانے پر تباہی نہ پھیلائیں تو۔