Wyt ti erioed wedi gwylio cynhadledd i’r wasg bêl-droed, neu wedi gweld chwaraewr yn ymweld ag ysgol neu glwb lleol? Mae digwyddiadau o’r fath yn gofyn am gynllunio gofalus i sicrhau bod popeth yn mynd yn iawn, a bod neges y clwb yn cyrraedd y cefnogwyr yn y ffordd gywir.
Mae Rhianna yn swyddog gweithredol cyfathrebu ac ymgysylltu i Gymdeithas Bêl-droed Cymru (FAW). Yn ei rôl, mae Rhianna yn ymwneud â llawer o wahanol dasgau, felly mae’n dweud bod y swydd, “ychydig fel bod yn swyddog y wasg.” Mae’n rheoli unrhyw gysylltiadau â’r cyfryngau ar gyfer tîm merched Cymru, gan weithio gyda darlledwyr i godi proffil y tîm.
O’dd e jest yn un diwrnod gwelais i yr hysbyseb swydd arlein a fe redais lawr y grisiau a dweud wrth Mam, dyma, “This is my dream job! Dyma beth fi eisiau neud”.
Fy enw i yw Rhianna. Dw i’n gweithio i Gymdeithas Bêl-droed Cymru a fi yw’r swyddog y wasg ar gyfer tîm cenedlaethol menywod Cymru.
Y prif pethau rydw i’n neud yn fy swydd yw delio gyda phopeth sy’n gysylltiedig â’r cyfryngau sy’n ymwneud â’r tîm, Rhian Wilkinson a’r chwaraewyr, felly rydw i’n delio gyda’r wasg o gwmpas y gemau, gwneud yn siŵr bod accreditation gyda nhw i gyd. Dw i’n gwneud press conferences, a post-match a pre-match interviews. Pan rydw i ar camp dw i jest yn gwneud yn siŵr bod pawb yn hapus o rhan cyfathrebu â’r wasg.
Pan o’n i’n pump blwydd oed es i fy gêm cyntaf pêl-droed. Es i i wylio tîm dynion Caerdydd yn chwarae yn Ninian Park gyda fy tad-cu. Wnes i cwympo mewn gariad gyda pêl-droed o fyna. Mae fy tad-cu wastad yn dweud erbyn diwedd y gêm o’n i’n sefyll ar y seddi’n canu’r chants i gyd. Ie, dros y 20 mlynedd diwethaf mae fy cariad i bêl-droed di tyfu. Fi di bod yn gwylio tîm Cymru menywod a dynion. Dw i ‘di bod yn teithio gyda fy nhad-cu ar draws y byd.
Doedd dim lot o cyfleoedd gen i i chwarae pêl-droed pan o’n i’n yr ysgol a pan o’n i’n fach felly bod yn cefnogwr, dyna ble daeth y cariad i bêl-droed. O’n i yn yr ysgol a o’n i ddim yn siŵr beth o’n i eisiau neud. Ym, a o’dd tad-cu eto wedi siarad gyda fi ag o’dd e’n gwbod bod fi’n caru pêl-droed a dw i’n hoffi chwaraeon a felly eisteddon ni lawr a gweld pa fath o gyrfa galla i neud. Sports journalism oedd yr un oedd wedi sefyll mas yn fwyaf. So, o’n i di aros yn yr ysgol yn y chweched i neud fy Lefel A a wedyn es i mlaen i astudio sports journalism yn Prifysgol De Cymru yng Nghaerdydd. O’n i yna am tri blwyddyn - o’n i jest yn gwirfoddoli i fy nghlwb lleol sef Pontypridd. O’n i’n gwirfoddoli gyda sioe radio’r prifysgol, o’n i’n neud podcasts, o’n ni di gwirfoddoli ar gyfer Cymdeitas Bêl-droed Cymru. O’dd e jest yn un diwrnod gwelais i yr hysbyseb swydd arlein a redais lawr y grisiau a dweud wrth Mam, dyma, “This is my dream job! Dyma beth fi i eisiau neud”. O’n i’n lwcus iawn i cael interview a wedyn, ie, cefais i’r job yr un wythnos nes i graddio o brifysgol a fi di bod yma nawr am pedwar blynedd.
Byse fi’n dweud wrth unrhyw un gwirfoddoli mor gymaint ac y galli oherwydd mae profiad yna rhywbeth allweddol, yn enwedig pan rydych chi’n mynd trwy prifysgol mae’n cyfle i chi gweld os mae’r swydd yna y swydd chi eisiau neud. A mae’r profiad werth chweil i fod yn onest.
Fy uchafbwynt fwyaf dros y pedwar mlynedd diwethaf yw pan gyrhaeddodd Cymru y Euros yn 2025. O’n i’n lwcus i fod mas yn Dublin pan o’dd y tîm ‘di ennill y qualifying yna. O’n i jest yn edrych o gwmpas a roedd pawb o’r staff i’r chwaraewyr i gyd yn gwenu. O’dd jest overwhelming feeling o pawb jest yn mor hapus. Dim ond blwyddyn o’n i gyda’r tîm erbyn y pwynt yna ond o’n i’n edrych o gwmpas o’dd rhai o’r chwaraewyr a’r staff wedi bod yna am flynyddoedd a gweld popeth, yr highs a’r lows i gyd. Felly jest i gal y foment yna gyda nhw yn sbeshal iawn. A wedyn, wrth gwrs, i fod mas yn y twrnamaint – y twrnamaint cyntaf i tîm menywod Cymru fod ynddo. O’dd e jest mor sbeshal. Mae “gyda’n gilydd yn gryfach” yn slogan y cymdeithas ar draws y gymdeithas i gyd, ar draws holl timoedd rhyngwladol. O’dd jest y teimlad teuluol yna gyda’r staff, gyda’r chwaraewyr a gyda’r Wal Goch a clywed nhw’n canu Hen Wlad Fy Nhadau am y tro cyntaf yn twrnamaint menywod o’dd e jest, o’dd jest gen i goosebumps. O’n i’n crio, o’dd e jest yn foment arbennig a o’n i mor lwcus o’n i’n gallu gweithio gyda’r tîm sbeshal yma.
Fy tri top tip yw bod yn gyfforddus gyda’r anghyfforddus, dwedwch “ie” i pob cyfle a gwirfoddolwch mor gymaint ac y gallwch.
Mae gweld wyneb merch ifanc yn goleuo a bod ganddi hi’r cysylltiad hwnnw â’r tîm cenedlaethol… yn gwneud y cyfan yn werth chweil.
Llwybr gyrfa Rhianna
- Roedd ganddi angerdd dros bêl-droed ers pan oedd hi’n ifanc. Aeth ei thad-cu â hi i’w gêm bêl-droed gyntaf i wylio tîm dynion Cardiff City.
- Yn yr ysgol astudiodd hanes, addysg grefyddol a ffotograffiaeth, gan ddewis pynciau yr oedd yn eu mwynhau yn hytrach na phynciau gyda chysylltiad penodol â’i gyrfa yn y dyfodol.
- Astudiodd newyddiaduraeth chwaraeon yn y brifysgol.
- Tra oedd hi’n astudio, cymerodd ran mewn gwaith gwirfoddol. Bu’n gwirfoddoli gyda radio’r brifysgol, gyda chlwb pêl-droed lleol Pontypridd United, ac enillodd brofiad gyda chynghreiriau domestig merched Cymdeithas Bêl-droed Cymru, yn gweithio ar bodlediadau a chyfryngau cymdeithasol.
- Ymunodd â rhaglen fentora ar gyfer merched a menywod ifanc oedd am ddilyn gyrfa ym myd pêl-droed.
- Gwnaeth gais am ei swydd ddelfrydol a sicrhaodd rôl gyda Chymdeithas Bêl-droed Cymru (FAW) fel cydlynydd cyfryngau a chynnwys, cyn symud ymlaen i’w rôl bresennol yn adran gweithrediadau’r cyfryngau.
Beth yw’r cyfleoedd i ddatblygu gyrfa ym maes cyfathrebu pêl-droed?
Mae llawer o wahanol ffyrdd o ddatblygu gyrfa ym maes cyfryngau a chyfathrebu pêl-droed.
Mae Rhianna yn gweithio yn adran gweithrediadau’r cyfryngau. Dyma’r llwybr y mae hi wedi ei ddilyn i ddatblygu ei gyrfa:
cydlynydd cyfryngau a chynnwys --> swyddog gweithredol cyfathrebu ac ymgysylltu
Gall rolau cyfathrebu gynnwys ysgrifennu, cynllunio ymgyrchoedd, deall gwahanol gynulleidfaoedd a gwerthuso pa gynnwys sy’n gweithio orau. Gall hefyd gynnwys diogelu neu ddatblygu enw da sefydliad. Yn ogystal â goruchwylio diwrnodau’r cyfryngau, cynadleddau’r wasg a chyfweliadau cyn neu ar ôl gemau, gallet ti hefyd fod yn canolbwyntio ar y cyfryngau cymdeithasol neu ddarganfod dy fod yn mwynhau ochr gyfathrebu’r swydd yn fwy.
Hoffai Rhianna symud i rôl lle byddai’n gwneud ychydig mwy o reoli rhyw ddiwrnod. “Hoffwn allu rhannu’r hyn rydw i wedi’i ddysgu a pharhau i ddatblygu.”
- Bydda’n gyfforddus gyda’r anghyfforddus: Efallai bydd rhywun yn gofyn i ti wneud rhywbeth anghyfarwydd neu rywbeth nad wyt ti’n gyfforddus ag ef. Mae Rhianna yn credu ei bod yn bwysig herio dy hun gan y byddi di’n dysgu llawer wrth wneud hyn.
- Dyweda ie i bob cyfle: Os bydd cyfle yn codi mewn maes rwyt ti’n angerddol amdano, rho gynnig arni. Gallai roi profiad gwerthfawr i ti.
- Gwirfoddola gymaint ag y galli di: Gall gwaith gwirfoddol roi mwy o brofiad i ti, a dy wneud yn well yn yr hyn rwyt ti’n ei wneud?
Faint alli di ei ennill ym maes cyfryngau a chyfathrebu pêl-droed?
Mae amryw o rolau gwahanol ym myd cyfryngau a chyfathrebu pêl-droed. Gall cyflogau amrywio, ond o’i phrofiad ei hun, mae Rhianna yn dweud, “Gall cyflogau cychwynnol fod rhwng £24,000 a £30,000, ond gall hyn gynyddu yn dibynnu ar lefel y swydd. Er enghraifft, byddai’n uwch na hynny ar gyfer rôl rheolwr.”
Mae Rhianna yn swyddog gweithredol cyfathrebu ac ymgysylltu, ond mae rhai cyflogwyr yn rhannu’r cyfrifoldebau hynny rhwng gwahanol swyddi. Gall yr holl wahanol rannau o’i rôl gael teitlau swydd eraill, megis rheolwr cyfryngau cymdeithasol neu swyddog y wasg. Mae mwy o wybodaeth am rôl swyddog y wasg isod.
Beth i’w ddisgwyl os hoffet ti fod yn swyddog y wasg
- Cyflog cyfartalog swyddog y wasg: £24,000 i £45,000 y flwyddyn
- Oriau gwaith arferol swyddog y wasg: 37 i 42 awr yr wythnos
Pa gymwysterau sydd eu hangen i fod yn swyddog y wasg?
Gallet ti fynd i mewn i’r rôl hon drwy wneud cwrs prifysgol, cwrs coleg, prentisiaeth neu gyrsiau arbenigol sy’n cael eu cynnal gan gorff proffesiynol.
Ffynhonnell: Gwasanaeth Gyrfaoedd Cenedlaethol
Canllaw yn unig yw’r wybodaeth hon ac mae’n newid yn barhaus. Edrycha ar wefan y Gwasanaeth Gyrfaoedd Cenedlaethol am y wybodaeth ddiweddaraf a'r holl gymwysterau sydd eu hangen.
Am gyngor gyrfaoedd ym mhob rhan o’r DU, cer i: My World of Work (Yr Alban) a Gyrfa Cymru (Cymru), nidirect (Gogledd Iwerddon), National Careers Service (Lloegr).
Darganfydda ragor gan Bitesize Careers Follow Your Passion
Mae Bitesize Careers, mewn partneriaeth â’r Brifysgol Agored, wedi lansio ymgyrch Follow Your Passion, sy’n edrych ar sut y galli di ddefnyddio dy ddiddordebau a dy frwdfrydedd i ddod o hyd i swyddi i’w gwneud yn y dyfodol.
O greu cynnwys i ddylunio gemau cyfrifiadur, o faethiad i weithio gyda rhifau, cymer olwg ar gasgliad llawn Bitesize Careers Follow Your Passion i weld llwyth o gynnwys ysbrydoledig am yrfaoedd.
Bitesize Careers Follow Your Passion
Find more careers in football on the Bitesize Careers Follow Your Passion page.
Five moves to get started in football External Link
Discover steps you can take now to build useful skills for a career in football.
