Ateb y Galw: Zach Mutyambizi

Un o Gaerdydd yw Zach Mutyambizi. Mi fydd yn wyneb cyfarwydd i unrhywun sydd wedi gweld y rhaglenni Stwnsh neu BOOM! BANG! ar S4C - ag yntau'n gyflwynydd ar y rhaglenni rheiny.

Ond beth am ddod i ei adnabod yn fwy wrth i Zach ateb cwestiynau busneslyd Cymru Fyw.

Fi a fy chwaer yn 'stafell gwely Mam a Dad pan o'n ni'n iau yn rasio i weld pwy all gael ei wisg ysgol ar yn gyflymach. Ni'n efeilliaid felly byddai'r boreau yma'n mynd yn gystadleuol iawn!

Hwyliog, gweithiwr-caled ac uchelgeisiol.

Mae'n anodd dweud ond un sydd o hyd yn gwneud i fi chwerthin oedd yr arbrawf 'Past Dannedd Eliffant' yn ystod BOOM BANG!

Aeth y past i bobman ac mi odd o'n hollol hilarious... efallai ddim i Dr Peri Jones a bennodd lan gyda lot ohono yn ei gwallt!

Traeth Newgale yn Sir Benfro. Bydde Taid yn mynd â fi a fy chwaer yno i chwarae a nofio - o hyd yn adrodd straeon am y ddraig oedd yn byw yn yr ogofâu ar hyd y traeth. Daethon ni byth o hyd iddo ond cawsom ni lot o hwyl yn chwilio!

Yn ystod clyweliadau ar gyfer Eisteddfod ein ysgol gynradd wnaeth fi ac un o fy ffrindiau gorau, Owen, benderfynu cymryd rhan. Er bo llais canu fi yn warthus, wnaeth Owen berswadio fi i wneud er mwyn cefnogi'r ysgol.

Tua 30 eiliad i fewn i gân... torrodd fy llais ac, er gwaetha trio cario mlaen, bennais i lan yn gadael y dosbarth i fynd i'r tŷ bach. (Yn dibynnu ar bwy chi'n gofyn - 'falle odd cwpl o ddagrau yn llifo).

Y peth gwaetha oedd, ar ôl i fi ddod nôl, wedodd Owen bod e nawr yn rhy ofn i ganu ei hunain! Fi dal heb faddau iddo.

Mae'n embarrassing i ddweud ond siŵr o fod yn ystod rhyw ffilm wnaeth neb arall ffeindio'n drist!

Ma' hwn yn un anodd, ond i ddewis un - ennill ffeinal rygbi ar Stadiwm y Principality i Ysgol Glantaf yn y chweched ddosbarth.

Y tro olaf i ni chwarae 'da'n gilydd fel grŵp mawr o ffrindiau ar ôl blynyddoedd o wneud. Bydda i byth yn anghofio'r teimlad o ryddhad a balchder.

Dwi'n gystadleuol dros ben, ac mae colli mewn unrhyw gêm yn hala fi mewn i hwyliau drwg.

Fy hoff lyfr ydy The Power of One, llyfr am fachgen bach o De Affrica a dyfodd fyny i oresgyn plentyndod caled, hiliaeth a cholled ei deulu agos, i fod yn baffiwr llwyddianus a symbol ar gyfer hawliau dynol.

Hoff lyfr fi a Mam yw e; wnaethon ni enwi ein ci, Peekay, ar ôl y prif gymeriad.

Y chwaraewr pêl fasged Michael Jordan. Hoffwn wybod be' gymerodd hi i fod y gorau yn y byd am gyfnod mor hir ac i weld os yw e mor gystadleuol â ma' pawb yn dweud.

Mae gyda fi black belt yn Tae Kwon Do.

Gwahodd teulu a ffrindiau i lawr i gaeau Llandaf i gicio pêl o gwmpas. Bydde barbeciw a picnic yn wych hefyd os oedd rhywyn yn fodlon treulio eu horiau olaf yn coginio!

Y llun yma o fi a Mam - y fenyw mwya' pwysig yn fy mywyd!

Bydda i'n dewis rhywun fel Brian Cox. Wir hoffwn ni wybod a deall y pethau sy'n mynd rownd ei ben e am ein byd a'r bydysawd.

Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.

Anfonwch unrhyw syniadau am straeon i [email protected], dolen allanol neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.