સ્મૃતિએ ટી-20ની સૌથી ઝડપી અર્ધસદી નોંધાવી રેકોર્ડ કર્યો

ભારતીય મહિલા ક્રિકેટ ટીમની ડાબોડી ખેલાડી સ્મૃતિ મંધાનાએ વધુ એકવાર રેકોર્ડ બુકમાં પોતાનું નામ નોંધાવ્યું છે.

તેમણે મહિલા ટી-20 ક્રિકેટના સૌથી ઝડપી અર્ધ સદી નોંધાવવાના રેકોર્ડની બરાબરી કરી છે.

કિઆ સુપર લીગમાં સ્મૃતિએ વેસ્ટર્ન સ્ટ્રૉર્મ તરફથી રમતા માત્ર 18 બૉલમાં 50 રન ફટકાર્યા હતાં.

ન્યુઝીલૅન્ડનાં ખેલાડીની બરાબરી કરી

આ ઇનિંગમાં જ તેમણે ન્યુઝીલૅન્ડનાં ખેલાડી સોફી ડેવાઇનના રેકોર્ડની બરાબરી કરી છે.

જેમણે આટલા જ બોલમાં રન કરીને 2015માં અર્ધ સદી નોંધાવી હતી.

ઇંગલેન્ડ પ્રિમિયર લીગમાં રમતાં તેમણે 19 બૉલમાં 52 રન નોંધાવ્યાં હતાં.

સ્મૃતિ મંધાના અગાઉ મહિલા ટી-20 ક્રિકેટમાં ઇતિહાસ નોંધાવી ચૂક્યાં છે.

તમે આ વાંચ્યું કે નહીં?

સૌથી ઝડપી અર્ધ સદી નોંધાવનાર તેઓ પ્રથમ ભારતીય મહિલા ખેલાડી બન્યાં હતાં.

ભારતમાં રમાયેલી ત્રિકોણીય શ્રેણીની ત્રીજી મેચમાં ઇંગલેન્ડ વિરુદ્ધ રમતા તેમણે 25 બૉલમાં અર્ધ સદી નોંધાવી હતી.

મુંબઈના બ્રેબોર્ન સ્ટેડિયમમાં સ્મૃતિએ 40 બૉલમાં 76 રન બનાવ્યા હતાં જેમાં 12 ચોક્કા અને 2 છક્કા સામેલ હતા.

થોડા દિવસો પહેલા જ સ્મૃતિએ ઓસ્ટ્રેલિયા વિરુદ્ધ 30 બૉલમાં અર્ધ સદી નોંધાવી હતી.

તમે અમને ફેસબુક, ઇન્સ્ટાગ્રામ, યુટ્યૂબ અને ટ્વિટર પર ફોલો કરી શકો છો