ਭਾਰਤ-ਪਾਕਿਸਤਾਨ ਮੈਚ: ਕ੍ਰਿਕਟ ਇੱਕ ਪਾਸੇ, ਸਾਂਝ ਪੂਰੀ ਨਜ਼ਰ ਆਈ
ਅਸੀਂ ਇਹ ਲਾਈਵ ਇਸ ਵੀਡੀਓ ਨਾਲ ਇੱਥੇ ਹੀ ਖ਼ਤਮ ਕਰ ਰਹੇ ਹਾਂ, ਮੈਚ ਭਾਵੇਂ ਭਾਰਤ ਆਸਾਨੀ ਨਾਲ ਜਿੱਤ ਗਿਆ ਪਰ ਦੋਵਾਂ ਪਾਸਿਆਂ ਦੇ ਲੋਕ ਕ੍ਰਿਕਟ ਤੋਂ ਅਗਾਂਹ ਵੱਧ ਕੇ ਸਾਂਝ ਦਾ ਵੀ ਸੁਨੇਹਾ ਦੇ ਗਏ, ਜਾਣੋ ਕਿਵੇਂ
ਤੁਸੀਂ ਇਸ ਵੈੱਬਸਾਈਟ ਦਾ ਸਿਰਫ਼-ਟੈਕਸਟ ਵਰਜ਼ਨ ਦੇਖ ਰਹੇ ਹੋ ਜੋ ਘੱਟ ਡਾਟਾ ਵਰਤਦਾ ਹੈ। ਸਾਰੀਆਂ ਤਸਵੀਰਾਂ ਅਤੇ ਵੀਡੀਓ ਸਮੇਤ ਵੈੱਬਸਾਈਟ ਦਾ ਮੁੱਖ ਵਰਜ਼ਨ ਦੇਖੋ।
ਭਾਰਤ-ਪਾਕ ਦਾ ਵਿਸ਼ਵ ਕੱਪ ਸਕੋਰ ਬਣਿਆ 7-0
ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ ਵਿਸ਼ਵ ਕੱਪ ਕ੍ਰਿਕਟ ਮੁਕਾਬਲੇ ਦੀ ਲਾਈਵ ਕਵਰੇਜ ਇੱਥੇ ਦੇਖੋ
ਲਾਈਵ ਕਵਰੇਜ
ਰੋਹਿਤ ਸ਼ਰਮਾ ਬਣੇ ਮੈਨ ਆਫ ਦੀ ਮੈਚ
ਰੋਹਿਤ ਸ਼ਰਮਾ ਨੇ ਕੇ ਐੱਲ ਰਾਹੁਲ ਨਾਲ ਮਿਲ ਕੇ ਪਹਿਲੀ ਵਿਕਟ ਲਈ ਸ਼ਾਨਦਾਰ ਸਾਝੇਦਾਰੀ ਕੀਤੀ
ਭਾਰਤ ਨੇ ਪਾਕਿਸਤਾਨ ਨੂੰ ਵਿਸ਼ਵ ਕੱਪ ਵਿੱਚ 7ਵੀਂ ਵਾਰ ਹਰਾਇਆ
ਭਾਰਤ ਨੇ ਪਾਕਿਸਤਾਨ ਨੂੰ ਡਕਵਰਥ-ਲੂਈਸ ਸਿਸਟਮ ਦੇ ਹਿਸਾਬ ਨਾਲ ਤੈਅ ਟੀਚੇ ਮੁਤਾਬਿਕ 89 ਦੌੜਾਂ ਨਾਲ ਹਰਾ ਦਿੱਤਾ ਹੈ।
ਯੁ਼ਜਵੇਂਦਰ ਚਾਹਲਅੱਜ ਖ਼ਾਸ ਨਹੀਂ ਚੱਲ ਸਕੇ, ਮੁਸ਼ਕਿਲ ਨਾਲ ਉਨ੍ਹਾਂ ਨੂੰ ਇੱਕ ਵਿਕਟ ਮਿਲ ਰਹੀ ਸੀ ਪਰ ਕੇ.ਐੱਲ ਰਾਹੁਲ ਨੇ ਉਨ੍ਹਾਂ ਦੀ ਗੇਂਦ ’ਤੇ ਸ਼ਾਦਾਬ ਦਾ ਕੈਚ ਛੱਡ ਦਿੱਤਾ
ਕੀ ਪਾਕਿਸਤਾਨ ਬਣਾ ਸਕੇਗਾ 5 ਓਵਰਾਂ ’ਚ 130 ਦੌੜਾਂ?
ਹੁਣ ਮੈਚ 40 ਓਵਰਾਂ ਦਾ ਹੋਇਆ, ਪਾਕਿਸਤਾਨ ਨੂੰ ਬਣਾਉਣੀਆਂ ਹਨ 30 ਗੇਂਦਾਂ ’ਤੇ 130 ਦੌੜਾਂ
ਜੇ ਮੈਚ ਇੱਥੇ ਹੀ ਮੁੱਕ ਗਿਆ...
ਜੇ ਮੀਂਹ ਕਰਕੇ ਹੀ ਮੈਚ ਇੱਥੇ ਹੀ ਖ਼ਤਮ ਹੁੰਦਾ ਹੈ ਤਾਂ ਭਾਰਤ ਜੇਤੂ ਰਹੇਗਾ। ਡਕਵਰਥ-ਲੂਈਸ ਸਿਸਟਮ ਦੇ ਹਿਸਾਬ ਨਾਲ ਪਾਕਿਸਤਾਨ ਨੇ 252 ਦੌੜਾਂ ਬਣਾਉਣੀਆਂ ਸਨ ਪਰ ਹੁਣ ਪਾਕਿਸਤਾਨ 86 ਦੌੜਾਂ ਪਿੱਛੇ ਹੈ।
ਸਰਫ਼ਰਾਜ਼ ਹੁਣ ਇਮਰਾਨ ਨੂੰ ਕੀ ਜਵਾਬ ਦੇਣਗੇ?, ਇਮਰਾਨ ਨੇ ਸਲਾਹ ਦਿੱਤੀ ਸੀ ਕਿ...
ਪਾਕਿਸਤਾਨ ਦੇ ਕਪਤਾਨ ਸਰਫ਼ਰਾਜ਼ ਅਹਿਮਦ ਵੀ ਆਊਟ ਹੋ ਗਏ ਹਨ। 35 ਓਵਰ ਮੁੱਕਣ ਤੇ ਸਕੋਰ ਹੈ 166/6; 15 ਓਵਰ ਬਚੇ ਹਨ ਤੇ ਰਨ ਚਾਹੀਦੇ ਹਨ 171 ਹੋਰ।
ਸਰਫ਼ਰਾਜ਼ ਨੂੰ ਹੁਣ ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਨੂੰ ਵੀ ਜਵਾਬ ਦੇਣਾ ਪੈ ਸਕਦਾ ਹੈ ਕਿਉਂਕਿ ਇਮਰਾਨ ਨੇ ਸਲਾਹ ਦਿੱਤੀ ਸੀ ਕਿ ਟਾਸ ਜਿੱਤ ਕੇ ਬੱਲੇਬਾਜ਼ੀ ਕਰਨ, ਪਰ ਸਰਫ਼ਰਾਜ਼ ਨੇ ਗੇਂਦਬਾਜ਼ੀ ਲੈ ਲਈ।
ਇਮਰਾਨ ਨੇ ਹੀ ਪਾਕਿਸਤਾਨ ਨੂੰ ਉਸ ਦਾ ਹੁਣ ਤੱਕ ਦਾ ਇੱਕੋ-ਇੱਕ ਵਰਲਡ ਕੱਪ (1992) ਜਿਤਾਇਆ ਹੈ।
ਹਾਰਦਿਕ ਪਾਂਡਿਆ ਦੀਆਂ ਛਾਲਾਂ
ਕੈਨੇਡਾ ਵਿੱਚ ਭਾਰਤ ਤੇ ਪਾਕਿਸਤਾਨ ਦੇ ਪੰਜਾਬੀ ਇਕੱਠੇ ਮੈਚ ਵੇਖਦੇ
ਪਾਕਿਸਤਾਨ ਦਾ ਮਾੜਾ ਹਾਲ — ਅੱਗੇ ਕੀ?
ਸੀਨੀਅਰ ਖਿਡਾਰੀ ਪਾਕਿਸਤਾਨ ਨੂੰ ਬਚਾਉਣਗੇ?
ਕੁਲਦੀਪ ਯਾਦਵ ਨੇ ਤਕੜੇ ਨਜ਼ਰ ਆ ਰਹੇ ਬਾਬਰ ਆਜ਼ਮ ਤੇ ਫ਼ਖ਼ਰ ਜ਼ਮਾਂ ਨੂੰ ਆਊਟ ਕਰ ਦਿੱਤਾ ਹੈ।
ਹਾਰਦਿਕ ਪਾਂਡਿਆ ਨੇ ਮੁਹੰਮਦ ਹਫੀਜ਼ ਤੇ ਸ਼ੋਏਬ ਮਲਿਕ ਨੂੰ ਆਊਟ ਕਰਕੇ ਮੈਚ ਨੂੰ ਪਲਟਿਆ
ਜਾਣੋ ਭਾਰਤ-ਪਾਕ ਮੈਚ ਬਾਰੇ ਪਾਕਿਸਤਾਨ ਵਿੱਚ ਹੋ ਰਹੀਆਂ ਕਿਹੜੀਆਂ ਗੱਲਾਂ
ਕੀ ਚਹਿਲ ਨਹੀਂ ਚੱਲਣਗੇ?
ਯੁਜ਼ਵੇਂਦਰ ਚਹਿਲ ਨੂੰ ਚਾਰ ਓਵਰਾਂ ਵਿੱਚ 24 ਰਨ ਪੈ ਚੁੱਕੇ ਹਨ ਅਤੇ ਉਹ ਆਪਣੀ ਗੇਂਦਬਾਜ਼ੀ ਤੋਂ ਸੰਤੁਸ਼ਟ ਨਜ਼ਰ ਨਹੀਂ ਆ ਰਹੇ। ਓਵਰ ਮੁੱਕਣ ’ਤੇ ਸਿਰ ਝਟਕਾ ਕੇ ਨਿਰਾਸ਼ਾ ਵਿਖਾ ਰਹੇ ਹਨ।
ਫ਼ਖ਼ਰ ਜ਼ਮਾਂ ਨੇ ਅਰਧ ਸੈਂਕੜਾ ਜੜਿਆ
ਪਾਕਿਸਤਾਨ ਦੇ ਫ਼ਖ਼ਰ ਜ਼ਮਾਂ ਨੇ ਅਰਧ ਸੈਂਕੜਾ ਜੜ ਦਿੱਤਾ ਹੈ ਤੇ ਉਨ੍ਹਾਂ ਨਾਲ ਬਾਬਰ ਆਜ਼ਮ ਮਜ਼ਬੂਤੀ ਨਾਲ ਚੱਲ ਰਹੇ ਹਨ।
ਪਾਕਿਸਤਾਨ ਨੇ 22ਵੇਂ ਓਵਰ ਵਿੱਚ 100 ਤੋਂ ਵੱਧ ਦੌੜਾਂ ਬਣਾ ਲਈਆਂ ਹਨ ਅਤੇ ਟੀਚਾ ਹੈ 337।
ਭੁਵਨੇਸ਼ਰ ਮੁੜ ਫੀਲਡ ’ਤੇ ਆਉਣਗੇ?
ਭਾਰਤ ਦੇ ਤੇਜ਼ ਗੇਂਦਬਾਜ਼ ਭੁਵੇਨਸ਼ਵਰ ਕੁਮਾਰ ਦੀ ਮਾਸਪੇਸ਼ੀ ਖਿੱਚੀ ਗਈ ਹੈ ਅਤੇ ਇਸੇ ਲਈ ਉਹ ਓਵਰ ਵਿੱਚ ਛੱਡ ਕੇ ਚਲੇ ਗਏ।
ਨਾਮੀ ਕ੍ਰਿਕਟ ਵੈੱਬਸਾਈਟ ਕ੍ਰਿਕਇਨਫੋ ਮੁਤਾਬਕ ਉਹ ਇਸ ਮੈਚ ਵਿੱਚ ਮੁੜ ਖੇਡਣ ਦੀ ਹਾਲਤ ਵਿੱਚ ਨਹੀਂ ਹਨ।
ਪਾਕਿਸਤਾਨ ਲਈ ਫਿਲਹਾਲ ਸਟਾਰ ਖਿਡਾਰੀ ਬਾਬਰ ਆਜ਼ਮ ਕ੍ਰੀਜ਼ ’ਤੇ ਹਨ ਅਤੇ ਉਮੀਦਾਂ ਬਾਕੀ ਹਨ।
ਪਾਕਿਸਤਾਨ ਚੱਲ ਰਿਹਾ ਹੈ ਹੌਲੀ-ਹੌਲੀ
13 ਓਵਰ ਤੋਂ ਬਾਅਦ ਪਾਕਿਸਤਾਨ ਦਾ ਰਨ ਰੇਟ (ਦੌੜਾਂ ਪ੍ਰਤੀ ਓਵਰ) ਚਾਰ ਤੋਂ ਵੀ ਥੱਲੇ ਹੈ ਜਦਕਿ ਲੋੜ ਹੈ 7 ਤੋਂ ਵੱਧ ਰਨ ਪ੍ਰਤੀ ਓਵਰ ਬਣਾਉਣ ਦੀ।
ਕਦੇ ਇਹ ਕ੍ਰਿਕਟ ਦੇ ਦਿੱਗਜ ਮੈਦਾਨ ਵਿੱਚ ਆਹਮੋ-ਸਾਹਮਣੇ ਹੁੰਦੇ ਸਨ
ਤੁਸੀਂ ਇਨ੍ਹਾਂ ਬਾਰੇ ਕੀ ਕਹੋਗੇ...?, ਭਾਰਤ-ਪਾਕ ਮੈਚ ਦੇਖਣ ਲਈ ਪੂਰੀ ਤਿਆਰੀ ਨਾਲ ਪਹੁੰਚੇ ਇੱਕ ਫੈਨ
ਵਿਜੇ ਸ਼ੰਕਰ ਦੀ ਸਿਲੈਕਸ਼ਨ ਠੀਕ ਸੀ?
ਵਿਜੇ ਸ਼ੰਕਰ, ਜਿਨ੍ਹਾਂ ਨੇ ਪਾਕਿਸਤਾਨ ਦੀ ਇੱਕ ਵਿਕਟ ਲੈ ਲਈ ਹੈ, ਨੂੰ ਜਦੋਂ ਟੀਮ ਵਿੱਚ ਲਿਆ ਗਿਆ ਸੀ ਤਾਂ ਸਵਾਲ ਉੱਠੇ ਸਨ। ਕਿਹਾ ਗਿਆ ਸੀ ਕਿ ਰਿਸ਼ਭ ਪੰਤ ਨੂੰ ਲੈਣਾ ਚਾਹੀਦਾ ਸੀ। ਸ਼ੰਕਰ ਨੇ ਹੁਣ ਆਲ-ਰਾਉਂਡਰ ਵਜੋਂ ਆਪਣੀ ਅਹਿਮੀਅਤ ਵਿਖਾਉਣੀ ਸ਼ੁਰੂ ਕਰ ਦਿੱਤੀ ਹੈ।
ਦੂਜੇ ਪਾਸੇ ਪੰਤ ਨੂੰ ਵੀ ਇੰਗਲੈਂਡ ਬੁਲਾ ਲਿਆ ਗਿਆ ਹੈ ਕਿਉਂਕਿ ਸ਼ਿਖਰ ਧਵਨ ਜ਼ਖਮੀ ਹਨ। ਪਰ ਪੰਤ ਨੂੰ ਅਜੇ ਰਸਮੀ ਤੌਰ ’ਤੇ ਭਾਰਤੀ ਖੇਡ ਦਲ ਵਿੱਚ ਸ਼ਾਮਲ ਨਹੀਂ ਕੀਤਾ ਹੈ, ਇਸ ਲਈ ਉਹ ਟੀਮ ਵਿੱਚ ਨਹੀਂ ਖੇਡ ਸਕਦੇ। ਟੀਮ ਨੂੰ ਉਮੀਦ ਹੈ ਕਿ ਧਵਨ ਸੈਮੀਫਾਈਨਲ ਤੱਕ ਸਿਹਤਮੰਦ ਹੋ ਜਾਣਗੇ।
ਹਾਲਾਂਕਿ ਪੱਤਰਕਾਰ ਤੇ ਟੀਵੀ ਲੇਖਿਕਾ ਹਰਨੀਤ ਸਿੰਘ ਨੇ ਟਵੀਟ ਕਰ ਕੇ ਕਿਹਾ ਕਿ ਹੁਣ ਸ਼ੰਕਰ ਨੂੰ ਇੱਕ ਹੋਰ ਆਊਟ ਕਰ ਕੇ ਸਾਬਤ ਕਰਨਾ ਪਵੇਗਾ ਕਿ ਉਹ ਕੋਈ ਤੁੱਕਾ ਨਹੀਂ!
ਭੁਵਨੇਸ਼ਵਰ ਕੁਮਾਰ ਨੂੰ ਸੱਟ ਲਗਣ ’ਤੇ ਗਏ ਬਾਹਰ, ਵਿਜੇਸ਼ੰਕਰ ਨੇ ਸਾਂਭੀ ਕਮਾਂਡ, ਲਿਆ ਪਹਿਲੀ ਗੇਂਦ ’ਤੇ ਵਿਕਟ