ਤੁਸੀਂ ਇਸ ਵੈੱਬਸਾਈਟ ਦਾ ਸਿਰਫ਼-ਟੈਕਸਟ ਵਰਜ਼ਨ ਦੇਖ ਰਹੇ ਹੋ ਜੋ ਘੱਟ ਡਾਟਾ ਵਰਤਦਾ ਹੈ। ਸਾਰੀਆਂ ਤਸਵੀਰਾਂ ਅਤੇ ਵੀਡੀਓ ਸਮੇਤ ਵੈੱਬਸਾਈਟ ਦਾ ਮੁੱਖ ਵਰਜ਼ਨ ਦੇਖੋ।
ਔਰਤਾਂ 'ਟੌਪਲੈੱਸ ਇਸ਼ਨਾਨ' ਕਰਨਗੀਆਂ ਜਾਂ ਨਹੀਂ, ਰਾਏਸ਼ੁਮਾਰੀ ਨਾਲ ਹੋਇਆ ਫ਼ੈਸਲਾ
ਸਵੀਮਿੰਗ ਪੂਲ ਵਿੱਚ ਔਰਤਾਂ ਦੇ ਟੌਪਲੈੱਸ ਹੋ ਕੇ ਨਹਾਉਣ 'ਤੇ ਸਪੇਨ ਵਿੱਚ ਵਿਵਾਦ ਇੰਨਾ ਵੱਧ ਗਿਆ ਕਿ ਪ੍ਰਸ਼ਾਸਨ ਨੂੰ ਇਸ 'ਤੇ ਵੋਟਿੰਗ ਕਰਵਾਉਣੀ ਪਈ ਅਤੇ ਵੋਟਾਂ ਦੀ ਇਸ ਲੜਾਈ ਨੂੰ ਔਰਤਾਂ ਨੇ ਜਿੱਤ ਵੀ ਗਈਆਂ।
ਕਹਾਣੀ ਕੈਟੇਲੋਨੀਆ ਸੂਬੇ ਵਿੱਚ ਸਥਿਤ ਬਾਰਸੀਲੋਨਾ ਦੇ ਨੇੜੇ ਦੇ ਇੱਕ ਪਿੰਡ ਦੀ ਹੈ। ਲਾਮੇਤਿਆ-ਡਿਲ ਵੈਲੀਆਸ ਪਿੰਡ ਵਿੱਚ ਹੋਈਆਂ ਇਨ੍ਹਾਂ ਚੋਣਾਂ ਵਿੱਚ ਹੱਕ 'ਚ 61 ਫੀਸਦੀ ਅਤੇ ਵਿਰੋਧ 'ਚ 39 ਫੀਸਦੀ ਲੋਕਾਂ ਨੇ ਵੋਟਾਂ ਪਾਈਆਂ।
ਸਥਾਨਕ ਕੈਟੇਲਨ ਪ੍ਰਸ਼ਾਸਨ ਨੇ ਇਨ੍ਹਾਂ ਚੋਣਾਂ ਦਾ ਪ੍ਰਬੰਧ ਕੀਤਾ ਸੀ। ਇਸ ਦਾ ਨਤੀਜਾ ਕਾਨੂੰਨੀ ਤੌਰ 'ਤੇ 16 ਤੋਂ ਵੱਧ ਉਮਰ ਦੀਆਂ ਔਰਤਾਂ 'ਤੇ ਲਾਗੂ ਹੋਵੇਗਾ।
ਦਰਅਸਲ ਪਿਛਲੀਆਂ ਗਰਮੀਆਂ ਵਿੱਚ ਜਦੋਂ ਦੋ ਔਰਤਾਂ ਅਜਿਹੇ ਹੀ ਇੱਕ ਪੂਲ ਵਿੱਚ ਟੌਪਲੈੱਸ ਹੋ ਕੇ ਨਹਾ ਰਹੀਆਂ ਸਨ ਤਾਂ ਉੱਥੇ ਮੌਜੂਦ ਇੱਕ ਲਾਈਫਗਾਰਡ ਨੇ ਉਨ੍ਹਾਂ ਦੀ ਸ਼ਿਕਾਇਤ ਪੁਲਿਸ ਨੂੰ ਕਰ ਦਿੱਤੀ।
ਪੁਲਿਸ ਕਰਮੀ ਉੱਥੇ ਪਹੁੰਚੇ ਅਤੇ ਦੋਵਾਂ ਔਰਤਾਂ ਨੂੰ ਤੁਰੰਤ ਆਪਣੇ ਬਿਕਨੀ ਟੌਪ ਪਹਿਨਣ ਦਾ ਆਦੇਸ਼ ਦਿੱਤਾ।
ਇਸ ਘਟਨਾ ਤੋਂ ਬਾਅਦ ਪੁਲਿਸ ਅਤੇ ਪ੍ਰਸ਼ਾਸਨ ਦੇ ਖ਼ਿਲਾਫ਼ ਪਿੰਡ ਵਾਲਿਆਂ ਨੇ ਵਿਰੋਧ ਪ੍ਰਦਰਸ਼ਨ ਕੀਤਾ।
ਪਿੰਡਦੇ ਮਰਦਾਂ ਅਤੇ ਔਰਤਾਂ ਦਾ ਇੱਕ ਗਰੁੱਪ ਇਸ ਦੇ ਵਿਰੋਧ ਵਿੱਚ ਬਿਕਨੀ ਟੌਪ ਪਾ ਕੇ ਪੂਲ 'ਚ ਪਹੁੰਚਿਆ।
ਉਦੋਂ ਤੋਂ ਹੀ ਲੋਕ ਪ੍ਰਸ਼ਾਸਨ 'ਤੇ ਅਜਿਹੀ ਰਾਏਸ਼ੁਮਾਰੀ ਦਾ ਦਬਾਅ ਬਣਾ ਰਹੇ ਸਨ।
ਇਹ ਪਿੰਡ ਬਾਰਸੀਲੋਨਾ ਦੀ ਉੱਤਰੀ ਦਿਸ਼ਾ ਵਿੱਚ 35 ਕਿਲੋਮੀਟਰ ਦੂਰੀ ਉਤੇ ਹੈ ਅਤੇ ਇਸ ਦੀ ਆਬਾਦੀ ਕਰੀਬ 8 ਹਜ਼ਾਰ ਹੈ।