ਤੁਸੀਂ ਇਸ ਵੈੱਬਸਾਈਟ ਦਾ ਸਿਰਫ਼-ਟੈਕਸਟ ਵਰਜ਼ਨ ਦੇਖ ਰਹੇ ਹੋ ਜੋ ਘੱਟ ਡਾਟਾ ਵਰਤਦਾ ਹੈ। ਸਾਰੀਆਂ ਤਸਵੀਰਾਂ ਅਤੇ ਵੀਡੀਓ ਸਮੇਤ ਵੈੱਬਸਾਈਟ ਦਾ ਮੁੱਖ ਵਰਜ਼ਨ ਦੇਖੋ।
ਸਵਿੱਟਜ਼ਰਲੈਂਡ ਵਿੱਚ ਹਵਾਈ ਹਾਦਸਾ, 20 ਮੌਤਾਂ : '180 ਡਿਗਰੀ 'ਤੇ ਘੁੰਮਦਾ ਜਹਾਜ਼ ਪੱਥਰ ਵਾਂਗ ਜ਼ਮੀਨ 'ਤੇ ਡਿੱਗਿਆ'
ਉੱਤਰੀ ਸਵਿੱਟਜ਼ਰਲੈਂਡ ਦੀਆਂ ਪਹਾੜੀਆਂ ਵਿੱਚ ਦੂਜੀ ਵਿਸ਼ਵ ਜੰਗ ਦੇ ਏਅਰ ਕ੍ਰਾਫਟ ਦੇ ਹਾਦਸਾ ਗ੍ਰਸਤ ਹੋਣ ਕਾਰਨ 20 ਲੋਕਾਂ ਦੀ ਮੌਤ ਹੋ ਗਈ ਹੈ।
ਪੁਲਿਸ ਮੁਤਾਬਕ ਇਹ ਹਾਦਸਾ ਪਹਾੜੀ ਇਲਾਕੇ ਵਿੱਚ ਵਾਪਰਿਆ। ਜਹਾਜ਼ JU-52 HB-HOT ਉੱਤੇ 17 ਯਾਤਰੀਆਂ ਸਣੇ 3 ਕ੍ਰਿਊ ਮੈਂਬਰ ਸਵਾਰ ਸਨ।
ਜਹਾਜ਼ ਨੂੰ ਚਲਾਉਣ ਵਾਲੀ ਆਪਰੇਟਰ JU ਏਅਰ ਨੇ ਕਿਹਾ ਹੈ ਕਿ ਇਸ ਦਰਦਨਾਕ ਘਟਨਾ ਤੋਂ ਬਾਅਦ ਅਗਲੇ ਹੁਕਮਾਂ ਤੱਕ ਸਾਰੀਆਂ ਫਲਾਇਟਾਂ ਰੱਦ ਕਰ ਦਿੱਤੀਆਂ ਗਈਆਂ ਹਨ।
ਪਲੇਨ ਦੇ ਕ੍ਰੈਸ਼ ਹੋਣ ਦਾ ਕਾਰਨ ਅਜੇ ਤੱਕ ਪਤਾ ਨਹੀਂ ਲੱਗਾ ਹੈ।
ਇਹ ਵੀ ਪੜ੍ਹੋ:
ਦੱਖਣੀ ਸਵਿੱਟਜ਼ਰਲੈਂਡ ਦੇ ਲੋਕਾਰਨੋ ਤੋਂ 2 ਦਿਨ ਦੀ ਛੁੱਟੀ ਮਨਾ ਕੇ ਇਹ ਯਾਤਰੀ ਜ਼ਿਊਰਿਖ ਆ ਰਹੇ ਸਨ।
ਇਸ ਜਹਾਜ਼ ਵਿੱਚ ਬਲੈਕ ਬਾਕਸ ਨਹੀਂ ਸੀ। ਇਹ ਘਟਨਾ ਦੂਰ ਦੁਰਾਡੇ ਦੇ ਇਲਾਕੇ ਵਿੱਚ ਵਾਪਰੀ, ਜਿਸ ਕਾਰਨ ਰਡਾਰ ਉੱਤੇ ਇਸ ਦੀ ਮੌਨੀਟਰਰਿੰਗ ਕਰਨੀ ਵੀ ਔਖੀ ਸੀ।
ਸਵਿੱਸ ਟਰਾਂਸਪੋਰਟੇਸ਼ਨ ਸੇਫਟੀ ਇਨਵੈਸਟੀਗੇਸ਼ਨ ਬੋਰਡ ਦੇ ਡੈਨੀਅਲ ਨੇਚ ਨੇ ਕਿਹਾ, "ਹਾਲਾਤ ਦੇਖ ਕੇ ਲਗਦਾ ਹੈ ਕਿ ਏਅਰਕ੍ਰਾਫਟ ਤੇਜ਼ੀ ਨਾਲ ਧਰਤੀ ਉੱਤੇ ਡਿੱਗਾ ਹੋਵੇਗਾ।"
ਇਹ ਵੀ ਪੜ੍ਹੋ:
ਜਿੱਥੇ ਘਟਨਾ ਵਾਪਰੀ ਉੱਥੇ ਇੱਕ ਪਹਾੜੀ ਉੱਤੇ ਮੌਜੂਦ ਚਸ਼ਮਦੀਦ ਨੇ 20 ਮਿੰਟਸ ਅਖ਼ਬਾਰ ਨੂੰ ਦੱਸਿਆ, "ਜਹਾਜ਼ ਦੱਖਣ ਵੱਲ 180 ਡਿਗਰੀ ਉੱਤੇ ਘੁੰਮਿਆ ਅਤੇ ਧਰਤੀ ਉੱਤੇ ਇੰਝ ਡਿੱਗਿਆ, ਜਿਵੇਂ ਪੱਥਰ ਡਿੱਗਿਆ ਹੋਵੇ।"
ਪੁਲਿਸ ਮੁਤਾਬਕ ਇਸ ਜਹਾਜ਼ ਵਿੱਚ 20 ਲੋਕਾਂ ਵਿਚੋਂ 11 ਮਰਦ ਸਨ ਅਤੇ ਸਾਰੇ ਯਾਤਰੀਆਂ ਦੀ ਉਮਰ 42 ਤੋਂ 84 ਸਾਲ ਵਿਚਾਲੇ ਸੀ।
JU-AIR ਜਰਮਨੀ ਵਿੱਚ ਬਣੇ ਇਨ੍ਹਾਂ ਜਹਾਜ਼ਾਂ ਦਾ ਇਸਤੇਮਾਲ ਸੈਰ ਕਰਵਾਉਣ ਲਈ ਕਰਦੀ ਹੈ।