BBC News, ትግርኛ - መእተዊ ገጽ

ትግራይ፡ ዝካየድ ዘሎ ጻዕሪታት ሰላም እንታይ ይመስል?

ኤምባሲታት ዓባይ ብሪጣንያ፡ ኖርወይን ካናዳን፡ ከምኡ'ውን 22 ኣባላት ሕብረት ኤውሮጳ ነቲ ሕብረት ኣፍሪቃ ኣብ መንጎ ፈደራላዊ መንግስቲ ኢትዮጵያን መራሕቲ ህወሓትን ዘተ ንምክያድ ዝገብሮ ዘሎ ጻዕሪ ከም ዝድግፋ ኣፍሊጠን ኣለዋ።

'ገበናዊ ብልሹው ምሕደራ'፡ ኣንጻር ጃኒ ኢንፋንቲኖ ተላዒሉ ዘሎ ሕጋዊ ማዕበል

"ተግባራት ኢንፋንቲኖ ገበናዊ ብልሹው ምሕደራ እዩ"፣ "ዝተሰከሞ ሓላፍነት ብምጥላም ዝፈጸሞ ዓቢ ክድዓት"፣ "ንጥቕሚ ገዛእ ርእሱ ክብል ዝፈጠሮ፡ ካብ ልዝብ ወጻኢ ዝዀነ ስምምዕ።"

ብሰንኪ ጃምላዊ ቅትለት ሩዋንዳ ንመዋእል ማእሰርቲ ዝተፈርደ ውልቀሰብ

ኣብ ኔዘርላንድስ ዝርከብ ቤት ፍርዲ፡ ዜግነት ኔዘርላንድስ ንዘለዎ ሓደ ሩዋንዳዊ፡ ብሰንኪ እቲ ኣብ 1994 ኣብ ሩዋንዳ ዘጋጠመ ጃምላዊ ቅትለት ዝነበሮ ግደ፡ ንመዋእል ማእሰርቲ ፈሪዱዎ።

ስዑዲ ዓረብ፡ ኣብ ነሓሰ ጥራይ እንተ ወሓደ 60 ኢትዮጵያውያን ምስ ዕጸ-ፋርስ ብዝተሓሓዝ ተታሒዞም

ስዑዲ ዓረብ ምስ ምስግጋርን ንግድን ዕጸ-ፋርስ ተተሓሒዞም ጥፍኣተኛታት ኣብ ዝተባህሉ ሰባት እተመሓላልፎ ናይ ሞት መቕጻዕቲ ኣብ እተሐይለሉ ዘላ እዋን፡ ኣብዚ ወርሒ ነሓሰ 2026 ጥራይ ጫት ሓዊሱ ብዝተፈላለዩ ዓይነታት ዕጸ-ፋርስ ዝተጠርጠሩ እንተ ወሓደ 60 ኢትዮጵያውያን ኣብ ትሕቲ ቀይዲ ምእታዋ ዝወጽኡ ጸብጻባት ኣመልኪቶም።

ዮሩሳሌም፡ ንሓንቲ መነኮስ ዘጥቅዐ እስራኤላዊ ስለምንታይ ካብ ክሲ ናጻ ተባሂሉ?

ቤት ፍርዲ፡ እዚ ሰብኣይ ነቲ ዝፈጸሞ ተግባር ብገበን ተሓታቲ ክኸውን ከም ዘይክእል ብምውሳን፡ ክሳብ ሽዱሽተ ዓመት ኣብ ማእከል ሕክምና ኣእምሮ ክጸንሕ ኣዚዙ።

ዝጐሃሃር ዘሎ ዳርባ ቃላት ኢትዮጵያን ኤርትራ ናበይ ከምርሕ'ዩ?

ኣብ መንጎ እዘን ክልተ ሃገራት ንኣስታት ክልተ ዓመታት ክባላሕ ዝጸንሐ ናይ ቃላት ኲናትን ምትኹታኽን እናገደደ ክመጽእ ጸኒሑ ኣሎ። እዚ እዋናዊ ኵነታት ዝደረኸ ምዕባለታት እንታይ እዩ? ናበይ ከ ክመርሕ ይኽእል ንዝብል ዛዕባታት ቢቢሲ ንዝተፈላለዩ ምሁራትን ተንተንትን ኣዘራሪቡ'ሎ።

ሓይሊ ኣየር ኢትዮጵያን ኤርትራን ካልኦት ጐረባብቲን እንታይ ይመስል?

ቀዳማይ ምኒስተር ኣብይ ኣሕመድ ብምኽንያት መበል 90 ዓመት ምስረታ ሓይሊ ኣየር ኢትዮጵያ ኣብ ዘስመዖ መደረ፡ ሓይሊ ኣየር ኢትዮጵያ ኣብ 2030 ዓ.ም. [ግ] ናብ ሓምሻይ ወለዶ ክሰጋገር መደብ ከምዘሎ ተዛሪቡ።እዚ ንኤርትራ ዘመላኽት ከምዝዀነ ብዙሓት ይግምቱ፣ ትሕዝቶአን ክነጻጸር እንከሎ ኸኣ...፤

ኢትዮጵያ ንናጽነትን ልኡላውነትን ኤርትራ ዝሃበቶ ኣፍልጦ ክትስሕቦ ትኽእል ድያ፣ ሳዕቤኑኸ?

ምእዋጅ ናጽነት ኤርትራ መዓስን ብኸመይን'ዩ ተፈጺሙ? ኣዲስ ኣበባ መዓስን ብኸመይን እያ ንሃገርነት፡ ናጽነትን ልኡላውነትን ኤርትራ ኣፍልጦ ሂባ? ክትስርዞ ወይ ክትስሕቦኸ ትኽእል ድያ? ሳዕቤኑ እንታይ ክኸውን ይኽእል? ዓለምለኻዊ ሕጊታትን ውዕላትን፡ ከምኡ'ውን ክኢላታት ዓለማዊ ዝምድናታትከ እንታይ ይብሉ?

ህዝባዊ ግንባር ንደሞክራስን ፍትሕን ካበይ ናበይ፡ ሃለዋቱኸ ኣብ ምንታይ ይርከብ?

ሃለዋት ህግደፍ ግን ኣብዚ እዋን'ዚ እንታይ ይመስል? ነቲ 'ደሞክራስን ፍትሕን' ዘጠቓልል ስሙ በቒዕዎዶ? መፈጠርን ዛንታን ናይቲ ኣብ ውሽጡ ዝዓበየ ምስጢራዊ 'ሰልፊ' እንታይ'ዩ? ነዚኦምን ካልኦት ተመሳሰልቲ ሕቶታት ናይቲ ውድብ ንምምላስ ንሓፈሻዊ ጕዕዞኡ ዳህሲስናዮ ኣለና።

ኤርትራ፡ ምስ ኵሉ ጸጋታታ ስለምንታይ ወጻእተኛታት በጻሕቲ ዘይገሹዋ?

ኤርትራ፡ ካብ ድቃሳ ምስተበራበረት ንጸጋታት ክትሰርሓሉ እንተጀሚራ መስሕብ ቀርኒ ኣፍሪቃ ክትከውን ዓቢይ ተኽእሎን ዕቝር ጸጋታትን ከምዘለዋን ዘጠራጥር ኣይኰነን፤ ሕጂ ግን ብድኽመት ምሕደራ ዝተዳህከት፡ ኣዝያ ዕጽውቲ ሃገር እያ።

ቪድዮ,

ትግራይ፡ ካብ ወርቂ-ዕደና ክሳብ ገዛ ንገዛ ዝተኻየደ ወተሃደራዊ ግፋ

ቪድዮ,

ደቀንስትዮ ስለምንታይ ክሳብ ሎሚ ብሕቖአን ደቂሰን ይወልዳ ኣለዋ

ቪድዮ,

ኣመሪካ ብኸመይ ሃገር ክትኸውን በቒዓ? ጉዕዞ 250 ዓመት

ኣመሪካ ካብ እትምስረት ዕድሚኣ 250 ዓመት መሊኡሎ። - ግን ካብ መሰረቱ ብኸመይ እያ ሃገር ክትኸውን በቒዓ? ስጳኛ ንክሪስቶፈር ኮሎምቦስ ናብ ኤስያ ሓድሽ መንገዲ ንኽረክብ ብምሕሳብ ካብ ዝለኣኽትሉ 1492 እቲ ዛንታ ይጅምር።

ቪድዮ,

ኣብቲ ብደቀንስትዮ ልሙድ ዘይኰነ ስራሕ ብምስራሕ ሽማ ተጸውዕ ዘላ ፋና ተስፋይ

መንእሰይ ፋና ተስፋይ፡ ኣብ ኢትዮጵያ ካብ ዘለዋ ሒደ ት ደቀንስትዮ መራሕቲ በጻሕቲ ዓዲ ሓንቲ እያ። ብፍላይ ድማ ኣብቲ ጸምጸም በረኻ ዓፋር ዝርከብ መስሕብ በጻሕቲ ዓዲ ዝዀነ ዳናክል ዲፕሬሽን ብብዝሒ ትንቀሳቐስ።

ቪድዮ,

ብዕድመ ንዝዓብያ ሰብኣይ ካብ ምምርዓው ሃዲማ ቀዳመይቲ እመቤት ንምዃን ዝበቕዐት

ቀዳመይቲ እመቤት ሴራሊዮን ፋጢማ ባዮ ምስ ቢቢሲ ግሎባል ዊመን ኣብ ዝገበረቶ ፍሉይ ቃለ መሕትት ንሜጋ ሞሃን ብዛዕባ ውልቃዊ ተመኩሮኣ ከመይ ጌሩ ኣንጻር መርዓ ህጻናት ጽኑዕ ጎስጓሲት ክትከውን ከም ዝገበራ ኣዕሊላታ። ጻዕርታታ፡ ኣብ ዙርያ መሰላት ህጻናት ውጽኢታዊ ሕግታት ክህልዉ ዝዓለመ እዩ።

ኣዲስ ኣበባ 'ናይ ፈደራል ዶ ትኹን ወይስ ናይ ኦሮምያ' ንመስርሕ ሃገራዊ ምኽኽር ዝበድሀ ዛዕባ

ኣዲስ ኣበባ "ርእሳ ዝኸኣለት፡ ተጸዋዕነታ ንፈደራል፡ ኣብ ባይቶ ወከልቲ ህዝቢ ውክልና ዘለዋ፡ ናይ ገዛእ ርእሳ ፖሊስን ቤት-ፍርድን እተቕውም፡ ብነበርታ ብዝተመርጸ ኣመሓዳሪ እትመሓደር፡ መናሃርያ ከተማ ፈደራል ትኹን" ኣብ ዝብል መብዛሕትኡ ስምምዕ ተበጺሑ ከም ዝነበረ ኣልዒሉ።

ካብ በጊዕን ዊስኪን ናብ ኣልማዝን ግዙፍ ዕምባባን፡ እቲ ዝቕየር ዘሎ ወግዒ 'ጓልኩም ሃቡና'

ፍርቂ ሚልዮን ብር ንዕምባባ? ኣብ ኣዲስ ኣበባ፡ እቲ ንዘመናት ዝጸንሐ ስነስርዓት 'ጓልኩም ሃቡና' መልክዑ ብምቕያር፡ ካብ ስድራቤታዊ ወግዒ ናብ ዓቢ ናይ ሃብትን ማሕበራዊ መራኸቢታትን ውድድር ይልወጥ ኣሎ።

ኢራን፡ ሆርሙዝ ንምኽፋት ካብ ትራምፕ ትጠልቦም ዘላ ሽዱሽተ ቅድመ-ኵነታት

ብዙሓት ካብዞም ጠለባት፡ ካብቲ ብ17 ሰነ ኣብ መንጎ ኢራንን ኣመሪካን ዝተበጽሐ ምርድዳእ ንላዕሊ ዝሓተቱ ክዀኑ ኸለዉ፡ ገሊኦም ድማ ነቶም ኣቐዲሞም ዝቐረቡ ጠለባት ብምድጋም ምስ ምኽፋት ሆርሙዝ ዘተኣሳስሩ እዮም። እሞ እዞም ቅድመ-ኵነታት እንታይ እዮም? ኣመሪካኸ ከተማልኦም ትኽእል ድያ?

ትግራይ፡ 'ኵሉ ነገር ስለ ዝተሓጽረ፡ ወስወስ ኢልና'ውን ንረኽቦ ነገር የለን'

ኣብዚ እዋን፡ ሰለስተ ኣገደስቲ ዞባታት ትግራይ ብኸቢድ ሕጽረት ዝናብ ተጠቒዐን ምህላወን ይግለጽ፤ ከም ሳዕቤኑ፡ ሓረስቶት ኣብ ልዑል ጭንቅን ሻቕሎት ቀለብ ሰብን እንስሳን ወዲቘም ይርከቡ።

ኢንፋንቲኖ፡ ካብ ሚልዮናት ደመወዝ ክሳብ ምስጢራዊ ርክባት ፖለቲካ

ብብሕታውያን ጀታት ይጓዓዝ፣ ከም መራሒ ሃገር ብፖሊስ ይዕጀብ፣ ምስ ሓያላት ፖለቲከኛታት ዓለም ድማ ይላዘብ። እዚ ህይወት ፕረዚደንት ፊፋ ጂያኒ ኢንፋንቲኖ እዩ። እንተዀነ፡ ኣብ መንጎ እቲ ወግዓዊ ስነ-ስርዓታትን ሚልዮናት ፓውንድ ደመወዝን፡ ኣብቲ ድሕሪ መጋረጃ ዘሎ ቃልሲ ስልጣን፡ ግዝኣት ኢንፋንቲኖ ኣብ ዋጋ ዕዳጋ ድዩ ዘሎ?

ትግራይ፡ በቲ ግዱድ ኣዋጅ ዕስክርና ንሓደጋ ዝተቓልዑ ሕጊታትን መሰላትን

ንግዝያዊ ምምሕዳር ትግራይ ተኪኡ፡ ስልጣን ዝተቘፃፀረ ኣካል- ነባር ክልላዊ ቤት ምኽሪ፡ ነቲ ሰነድ፡ 24 ግንቦት 2018 [ግ] ከም ዘፅደቘ ዝተገልፀ ኰይኑ፡ ኣብ ልዕሊ ህዝቢ ትግራይ ኣንፀላልዩ ዘሎ ሓደጋ ወራር ህልውና ንምምካት ዝዓለመ ከም ዝዀነ እዩ ዝምጉት። መስራትን ምክትል ዳይሬክተርን ትካል 'ሁይማን ራይትስ -ፈረስት ኢትዮጵያ' ፡ በዓል-ሞያ ሕጊ ኣይተ መብርሂ ብርሃነ፡ ነቲ ኣዋጅ ዝተቓወመሉ ምኽንያት ኣብሪሁ'ሎ።

27 በረራታት 24 ግጥማት፡ ፕረዚደንት ፊፋ ብኸመይ ኣረኻኺቡሉ ሳዕቤናቱኸ?

ፕረዚደንት ፊፋ ጃኒ ኢንፋንቲኖ፡ ኣብዚ ናይ ሎምዘበን ዋንጫ ዓለም፡ ኣብ ውሽጢ ክልተ ሰሙን ጥራይ ኣብ መላእ ሰሜን ኣመሪካ ኣብ ዝተኻየዱ 24 ግጥማት ተረኺቡ።

'ኤርትራ ዓንዲ ማእከል ጸጥታን ምርግጋእን ቀርኒ ኣፍሪቃ እያ'- ግብጻዊ ሚኒስተር

ዓቢ ጕጅለ ልኡኽ መሪሑ ኣብ ኤርትራ ምብጻሕ ከካይድ ዝቐነየ ምኒስተር ጉዳያት ወጻኢ ግብጺ ዶ/ር በድር ምስ መንግስታዊ ማዕከናት ዜና ኤርትራ ስፍሕ ዝበለ ቃለመሕትት ኣካይዱ። በድር ዓብደልዓጢ ከም ዝበሎ፡ ዝምድና ግብጽን ኤርትራን "ዓቢ ዓይነታዊ ገስጋስ" ኣመዝጊቡ ኣሎ።

ዝተቖረሰት ትግራይ ኣብ ሃገራዊ መረጻ ክትሳተፍ ኣይትኽእልን- ዶ/ር ደብረጽዮን

ሎሚ ኣብ ከተማ መቐለ ኣብ ዝሃቦ ጋዜጣዊ መግለጺ፡ ልዕሊ 45% ከባቢታት እታ ክልል "ኣብቲ ትሕቲ ወራር" ከምዘሎ ብምግላጽ "ዝተቖርሰት ትግራይ እያ" ዘላ ክብል ተዛሪቡ።

ፖለቲካዊ ቅልውላው ትግራይ፡ ክልተ ፕረዚደንት ክልተ ካቢኔ?

ፕረዚደንት ግዝያዊ ምምሕዳር ሌ/ጀነራል ታደሰ ወረደ፡ ኣብ ቤት ጽሕፈቱ "ብሓይሊ" ዝተኻየደ ብዶ/ር ደብረጽዮን ገብረሚካኤል ዝምራሕ "ኣኼባ ካቢኔ" ኮኒኑ። ኣብ መንጐ ክልቲኦም መራሕቲ ተፈጢሩ ዘሎ ምትፍናን ንክልል ትግራይ ናብ ዝኸፍአ ፖለቲካዊ ቅልውላው ኣእትዩዋ ከምዘሎ ይፍለጥ።